Në frymën e bashkëpunimit tashmë të konsoliduar me Drejtoritë Arsimore Rajonale, shoqëria KESH sh.a gjatë muajit Maj 2018 pati nderin të mirëpresë dhe të shoqërojë në një vizitë informuese në HEC Vau i Dejës disa nxënës të arsimit parauniversitar (arsimit fillor, 9-vjeçar dhe atij të mesëm) të Drejtorisë Arsimore Rajonale Shkodër.

Nxënësit, të shoqëruar nga mësuesit e tyre dhe në prani të stafit të inxhinierëve të Hidrocentralit, u njohën me disa koncepte të përgjithshme si: të shpjeguarit e termit energji elektrike dhe energji e pastër që nuk ndot, të përshkruarit në praktikë i procesit të gjenerimit të energjisë elektrike, aspektet të përgjegjshmërisë sociale dhe mjedisore etj.

Mesazhi që KESH synon të përcjellë tek brezat e rinj nëpërmjet aktiviteteve të tilla informuese dhe sensibilizuese është fokusimi i të rinjve tek shkolla (arsimimi) si edhe më shumë përgjegjshmëri dhe përkushtim përkundrejt shoqërisë dhe brezave që vijnë