Organet Kolegjiale

Shoqëria KESH sh.a është shoqëri aksionare me kapital të zotëruar 100% nga Shteti Shqiptar (përfaqësuar nga Ministria e Infrastrukturës dhe Energjisë) sipas aktit të themelimit datë 17.10.1995, regjistruar në Gjykatën e Rrethit Tiranë me Vendimin Nr. 12728, datë 06.11.1995.

KESH sh.a kontrollon 100% të aksioneve në shoqërinë TEC Vlorë sh.a.

Asambleja e Përgjithshme

Asambleja e Përgjithshme, bazuar në nenin 135 e vijues të ligjit Nr. 9901, datë 14.04.2008 “Për tregtarët dhe shoqëritë tregtare” i ndryshuar si edhe të statutit të KESH sh.a, është organi më i lartë vendimmarrës i shoqërisë KESH sh.a.

Të drejtat dhe detyrimet e Asamblesë së Përgjithshme ushtrohen nga aksioneri i vetëm i shoqërisë, i cili është Shteti Shqiptar.

Aksioneri i vetëm i shoqërisë KESH sh.a përfaqësohet në Asamblenë e Përgjithshme nga Ministria e Infrastrukturës dhe Energjisë.

Këshilli Mbikëqyrës

Në mbështetje dhe zbatim të Ligjit Nr.9901, datë 14.4.2008 “Për tregtarët dhe shoqëritë tregtare”, i ndryshuar, Vendimit Nr.570, date 3.10.2018 “Për këshillat mbikqyrës të shoqërive aksionare shtetërore”, numri i anëtarëve të këshillit mbikqyrës të KESH sh.a., si shoqëri pjesë e sektorëve strategjikë do të jetë 6.

Anëtarët e Këshillit Mbikqyrës të KESH sh.a., emërohen në detyrë nga Ministria e Infrastrukutrës dhe Energjisë në cilësinë e Asamblesë së Përgjithshme të shoqërisë.

Bazuar në statutin e shoqërisë, ndërmejt anëtarëve zgjidhet një kryetar dhe një zv. Kryetar.

Referuar ligjit të posacëm dhe statutit të shoqërisë anëtarët e këshillit mbikqyrës të KESH sh.a. emërohen për një periudhë 3 vjecare, afat i cili mund të rinovohet nga Asambleja e Përgjithshme e Aksionarëve.

Aktualisht përbërja e këshillit mbikqyrës të KESH sh.a. është :

1. Znj. Evis Mamaj         Kryetar            Afati i emërimit                      05.04.2022 – 04.04.2025
2. Z. Arian Hoxha           Anëtar             Afati i emërimit                       18.10.2023 – 17.10.2026
3. Znj. Kledia Ngjela      Anëtar             Afati i emërimit                       27.01.2023 – 26.01.2026
4. Z. Luigj Pjetri              Anëtar             Afati i emërimit                       04.07.2024 – 03.07.2027
5. Z. Ylber Muceku         Anëtar             Afati i emërimit                       14.10.2021 – 13.10.2024
6. Z.NJ. Olta Manjani     Anëtar             Afati i emërimit                       29.08.2023 – 28.08.2026

Disa nga kompetencat kryesore të Këshillit Mbikëqyrës janë:

• Emëron Administratorin
• Miraton programet vjetore si dhe veprimtarinë afatshkurtër, afatmesme dhe afatgjatë të Shoqërisë.
• Miraton llogaritë vjetore dhe raportin vjetor të paraqitur nga Administratori i shoqërisë.
• Ushtron kontroll të përhershëm për administrimin e shoqërisë prej Administratorit të saj dhe i jep atij autorizimet për kryerjen e operacioneve që Administratori nuk mund t’i kryejë pa autorizim paraprak të Këshillit.